शिंदेवाडी(खंडाळा) येथील भंगार गोदामास भीषण आग
शिरवळ : शिंदेवाडी(ता. खंडाळा, जि. सातारा)येथील भंगार दुकानाला भीषण आग लागल्याची घटना शनिवारी रात्री १२ च्या दरम्यान घडली आहे. घटनास्थळी आकाशात धुराचे लोट दिसत आहेत. या घटनेची माहिती मिळताच शिरवळ पोलिसांनी घटना स्थळी धाव घेतली असून अग्निशमन दलाने तातडीने पाण्याच्या बंबाद्वारे आगीवर नियंत्रण मिळविण्यासाठी प्रयत्न सुरू केले आहेत. या आगीत भंगार दुकानामधील लाखो रुपयांच्या मुद्देमालाचे नुकसान झाले असल्याची माहिती मिळाली आहे. या आगीचे कारण अद्याप समजू शकले नाही.
