हॉटेलमध्ये १३ नंबरची रुम का नसते ? कारण वाचून थक्क व्हाल
निनाद महाराष्ट्र न्यूज नेटवर्क : तुमच्यापैकी अनेकजण बाहेर फिरायला गेल्यावर हॉटेलमध्ये थांबत असतील. पण तुम्हाला हे माहिती नसेल की, बहुतांशी हॉटेल्समध्ये १३ नंबरची रूम नसते. तर अनेक हॉटेल्समध्ये तर १३ वा मजलाही नसतो.
यामुळे लिफ्टमध्येही थेट १२ नंतर थेट १४ व्या मजल्यावर जाण्यासाठीचे १२ बटण असते. पण हे असे का असते?
यामागील कारणाचा शोध आम्ही घेतला आहे, त्यामध्ये असे समोर आले आहे की, पाश्चात्य देशांमधील लोक शुभ अशुभ यावर विश्वास ठेवतात. या लोकांच्या मते, १३ हा अंक खूप अशुभ आहे. १३ या क्रमांकाबाबत लोकांमध्ये एक प्रकारची भीती आहे, ज्याला ट्रिस्केड फोबिया असे म्हणतात. त्यामुळे हे लोक १३ नंबरपासून दूर राहतात. कोणताही व्यक्ती १३ नंबरच्या रूममध्ये राहने पसंत करत नाही. त्यामुळे हॉटेल्समध्ये १३ नंबरची रूम नसते.
१३ या नंबरविषयी अशी कथा आहे की, एका व्यक्तीने येशू सोबत जेवन केले होते. योगायोगाने ती व्यक्ती १३ क्रमांकाच्या खुर्चीवर बसली होती. त्यानंतर या व्यक्तीने येशूचा विश्वासघात केला होता. या घटनेनंतर, १३ हा नंबर परदेशात विश्वासघाताचे प्रतीक मानला जाऊ लागला व लोक १३ नंबर पासून दूर राहू लागले.
फ्रान्समध्येही १३ नंबर अशुभ मानला जातो. येथील हॉटेल आणि रेस्टॉरंटमध्ये १३ क्रमांकाची खुर्ची नसते. या लोकांना अशी भीती वाटते की असे केल्याने आपल्यासोबत काहीतरी अशुभ घडू शकते. त्यामुळे येथेही लोक १३ नंबर पासून दूर राहतात. अशातच भारतात दरवर्षी लाखो पर्यटक फिरायला येतात. त्यामुळे भारतीय हॉटेल्समध्येही १३ नंबरची रुम आढळत नाही.
त्याचबरोबर चंदीगड मध्येही १३ नंबर अशुभ मानला जातो. येथे तुम्हाला सेक्टर १२ च्या नंतर थेट सेक्टर १४ दिसेल. या शहराचा नकाशा तयार करणाऱ्या वास्तुविशारदांनीही १३ क्रमांकाला अशुभ मानले होते अशी माहिती समोर आली आहे.
मात्र, भारताचे माजी पंतप्रधान अटलबिहारी वाजपेयी यांचा १३ नंबरशी धनिष्ट संबंध होता. त्यांचे पहिले सरकार केवळ १३ दिवस टिकले होते. नंतर त्यांनी पुन्हा १३ तारखेला शपथ घेतली होती. त्यानंतरही त्यांचे सरकार केवळ १३ महिनेच टिकले. यानंतर वाजपेयी यांनी १३ तारखेला १३ पक्षांच्या सहकार्याने १३ व्या लोकसभेत पंतप्रधानपदाची शपथ घेतली होती. मात्र यानंतर १३ तारखेलाच त्यांचा पराभव झाला होता.
