पुण्यातील कात्रज घाटात मोठा अपघात, चार गाड्या एकमेकांना धडकल्या

कात्रज : पुण्याजवळ कात्रज घाटामध्ये मोठा अपघात झाला असून चार वाहने एकमेकांना धडकली आहेत. वाहतूक पोलीस घटनास्थळी दाखल झाले असून धडकलेल्या बोगद्यातील गाड्या बाजूला काढण्याचे काम सुरू आहे. साताऱ्यावरून मुंबईच्या दिशेने सर्व गाड्या जात असताना बोगद्यात अचानक एका वाहनाने ब्रेक दाबल्याने पाठीमागून येणाऱ्या गाड्या एकमेकांना धडकल्या. अपघातात एक महिला जखमी झाली असल्याची माहिती मिळाली आहे. पोलीस घटनास्थळी दाखल झाले असून वाहतूक सुरळीत करण्याचे काम चालू आहे.